宜家系英国时间11：48啦，重有10分钟左右就系我既生日，今年生日一如既往甘自己一个人过，并唔觉得意外，更唔会觉得难过，因为严格来讲系有人陪我过的，十分开心，只不过我地只可以通过网络视频。尽管甘，我都已经觉得好足够了。而且我地重可以合照添，哇哈哈~~~（原来玩视频合照系得噶，下次我地影靓D，等我POST上来吓）

  睇下自己个空间，距离上次写日志都已经成年有多了，正确来讲上次都唔算写。。。（本人十分懒）又过左1年了，自己又大一岁，真系奔30啦救命。。。重系一事无成，有时做野哥阵偶尔会觉得，系米自视过高呢，凭乜会觉得自己会总有一番作为呢？我都答唔到。。。或者我是否应该随遇而安一下，或者平淡也是幸福啊。可惜自己D傲慢基因又唔允许呢，唯有继续自我折磨啦。

  今日许左个愿望希望你可以实现啦，虽然有D行，但系我真系好希望你可以做到噶，因为系我地面前实在有太多难题去克服，需要十分的耐性，十分的冲劲，十分的努力，所以我好希望尽管以后发生咩事，例如我的工作不顺心，例如我的突发性情绪低落，例如我对你管理过严，例如我对你的无理取闹，例如我的一事无成都好希望你可以一一包容，就算唔包容都唔好同我硬碰硬啊，正如你所讲，我会走得比你快噶。。。

  好感激你，就算我离开左你身边后你都可以继续陪伴住我。好感激你，系我刚回来既时候，我情绪接近崩溃既时候不断想办法去哄我，尽管你哥阵讲D咩我都唔记得了，不过我感觉到你好担心我，好希望我无事，更希望可以系我身边，我体会到，FEEL到。好感激你，遵守你的承诺，从来都唔会让我特别担心，我走左成个月了，无论我上网又好，发短讯又好你都尽量复我，唔想我担心，呢个我都知道。更感激你，为左希望同我拉近距离而强逼自己去做一样十分之不愿意的事情。你所做的点点滴滴我都会心存感激，并希望终有一日可以报答翻你啦，哈哈。。。

  希望你可以习惯我地分开2地既生活啦，尽管你翻工之后都好，米丢低我啊。。。I will try my best come back to you as soon as possible。